Istorioa lo egiteko zailtasunak dituen ume batekin hasten da. Hortik abiatuta, erabiltzailea umearen ametsetan sartuko da bidai fantastiko batean murgilduz. Izarretan zehar hegaz ibiliko da, kometekin hitz egingo du eta hauek hiru planetara eramango diote: Planeta Urdinera, Planeta Berdera eta Planeta Gorrira. Planeta bakoitzean pertsonaia desberdinak ezagutuko ditu eta geroago aplikatu ahal izango dituen gauza desberdinak erakutsiko dizkiote.
Ipuin interaktibo hau etxeko gazteenek euskara lantzeko prestatua dago.
Eusko Jaurlaritzaren Hizkuntza Politikarako Sailburuordetzaren, Gipuzkoako Foru Aldundiaren Euskara Zuzendaritza nagusiaren eta Bizkaiko Foru Aldundiaren Kultura Sailaren babespean ekoiztutako bideojolasa.